I Come in Peace…
I come in peace… but I’m not here to make friends.
調整過心情後，上班就感覺輕鬆一點了。
雖然內向，但我無論去到什麼新環境都是以交友的心態出發，而且很在乎他人對自己的看法；不免增添無謂的壓力，亦令自己渾身不自在。
的確，我只是來工作的。
即使公司裡只有我一個孩子氣（公司流失率低，自然沒有年輕同事），在興趣或談話都難以埋堆（融入），我還是不需太介懷。
不要經常覺得問題出在自己身上，不要把自己看得太低。有時問題是雙方的，或是不屬於任何一方，只是情況本身配合不到。
近來我常常想要改變自己，其中一樣就是少點拘泥一些有的沒的。
或者之後再說多一些有關「改變」吧。
頁數: [2] 1 » Show All
2007-08-16 00:45:00
可以話係各有各際遇啦~
我又唔會話要好決絕咁同同事保持隔膜, 只係唔會再天真咁認為去到邊都要識到朋友~
同人建立友善, 良好既關係好重要, 但唔好隨時準備同人交心~
> 老實唔怕講,我同人講多幾句,如果係相處舒服,我就會當佢係我朋友架喇!
我都係成日咁諗. 如果自己主動D, 交際手腕好D, 相信我可以識到更多好朋友的~
2007-08-15 11:58:45
Oscar, 新鮮 & Sam
其實我都會係職場搵朋友個啲人,而且我係成功架 :)
因為工作的關係,我認識咗好多好好嘅朋友,其中一個結婚時請咗我做伴郎添,另有一個女仔,佢啲朋友連親戚我全都識晒.
識朋友冇論係internet又好,係公司都好,只要係用心去對人,就會搵到同自己投緣嘅人.
其實我都衰過,不過做人就係咁架啦! 要試過, 感受過先知道下次應該點樣做先做得更好.
老實唔怕講,我同人講多幾句,如果係相處舒服,我就會當佢係我朋友架喇!
2007-08-14 23:17:49
哈哈哈～～～
我由童工開始計架！
不要說得我那樣老！ ：Ｐ
2007-08-13 15:55:00
嘩… 做左十幾年野…
新鮮哥就快踏入四字頭乎?!
我就未有乜體會, 目前只覺得唔需要太介懷同同事做唔到朋友.
如果以學生既心態去識人, 可能真係會碰釘; 尤其當D同事唔似你一樣岩岩入職, 佢地對同人交際既態度已經tune過晒.
所以我更應該捉緊現有既朋友, 多D關心下值得自己關心既人, 而少D花心思猜度同事對自己既睇法.
2007-08-13 14:37:54
有呀~ 如果每天只是上班下班, 在公司裡又沒有很投緣的朋友, 其實也很悶的~
不過我也很內向, 在交友時可能會較被動或收收埋埋… lol
所以還是看機緣喔~
2007-08-13 10:43:39
Sam弟弟你講得好理想,
我想除了在一些宗教團體的地方工作外,
我怕都比較難在工作的地方找到知己了,
我都是一個樂觀開懷的人,
但要好像你講的那樣,
真是可遇不可求,
把個心出來喺好,
不過小心中招喎!
我都做咗十幾年嘢囉,
綜合我咁多朋友所見,
你講嘅不是不可能,
但我想會是烏托邦多一點!
2007-08-12 20:39:17
咁Oscar你有無諗過去結識工作以外的朋友？
例如Blog友~ 哈哈…
2007-08-12 16:32:35
我都希望以呢種心態出發, 可以識多D朋友.
不過返左工幾個星期, 覺得同事之間既相處比較公式化. 可能因為佢地都已經(或準備)擁有自己家庭, 所以返工時只係以交際態度出發, 唔似年輕人走埋一齊就準備識朋友, 開心下咁.
2007-08-12 16:27:01
hi. Fibber. 很久沒見~
我自己也是很在意他人目光, 所以經常表現得很拘謹, 很不自然.
想來其實對自己沒有好處的, 現在正學習不要介懷或猜度其他人的想法, 不然只會令自己很累.
2007-08-12 16:15:17
你說的情況很符合我現時的處境, 與同事不相熟不是主因, 而是環境與自己格格不入.
還是看看會如何發展~